“Монголын Хөлбөмбөгийн Холбоо”-ноос зохион байгуулдаг “Супер цом”-ын төлөөх тоглолт лигийн аварга “Эрчим”, холбооны цомын аварга “Хангарьд” клубүүдийн хооронд өрнөлөө. Тоглолын 24 дэх минутад “Эрчим” клуб хаалга чиглэсэн гурван аюултай цохилт гүйцэтгэхэд “Хангарьд”-ын хаалгач Б.Сэр-Од бүгдийг нь хааж булангийн цохилт болгов. Гэсэн ч булангийн цохилтоос ирсэн бөмбөгийг довтлогч Б.Даваажав мөргөж, тооны харьцааг нээснээр эхний хагас өндөрлөсөн.
Эхний гоолын эзэн Б.Даваажав 63 дахь минутад хамгаалагчийн дутуу цэвэрлэсэн бөмбөгийг оновчтой цохиж тоог 2:0 болгосон бол удаах гоолыг Ишино Шута өөөрийнхөө ур чадварыг гайхуулж хийсэн. Энэ үед “Хангарьд” клубийнхэн “зүгээр суулгүй” довтлогч Ц.Мөнх-Эрдэнэ 69’ минутад торгуулийн цохилтоос гоол оруулж тоог 3:1 болгосон ч түүний гоол байв.
Үүний дараа үндэсний лигийн аварга “Эрчим” клубийн М.Төгөлдөр 82, Г.Батдэлгэрэх 90+3 дахь минутад гоол оруулснаар баг нь 5:1-ээр хожлоо. Ийнхүү “Эрчим” клуб 2011 оноос эхлэн зохиогдож буй “Супер цом”-ыг зургаа дахь жилдээ дараалан өргөлөө.
Энэхүү тоглолт эхлэхийн өмнө “Эрчим”-ийн Япон легионер Ишино Шута 2016 оны “Алтан бөмбөг” ёслолын ажиллагаагаар тодруулсан “Бэлэгдлийн 11”-т багтсан шагналаа гардан авсан юм.