Дөрвөн жилд нэг удаа зохиогддог ахмад мастеруудын наадмын эхний өдөр манай тамирчин Т.Пүрэвдорж 5-р байрт шалгарлаа. Т.Пүрэвдоржийн өрсөлдсөн 65-69 насны ангилалд нийт 60 гаруй мастерууд хүч, хурдаа үзсэн байна. - Дугуйн спортын мастер Пүрэвдоржийн хувьд медалийн тавцанд гарах боломжтой байсан. Бариан дээр тактикийн ялихгүй алдаа гаргаснаас болж шагналт 5-р байр руу ухарсан. Гэхдээ Пүрэвдоржид медаль авах боломж байгаа. Тэр өөр нэг зайнд өрсөлдөх болно гэж Мастеруудын Монголын Биеийн Тамир Спортын Хорооны биет төлөөлөгч мэдэгдлээ.
Э.ОТГОНЖАРГАЛ