Ирэх 5-р сарын 10-наас Энэтхэг улсын Дели хотод зохиогдох Азийн АШТ-нд Монголын чөлөөт бөхийн баг тамирчдыг бүрэн бүрэлдэхүүнээр нь оролцуулах шийдвэрийг ОУНБХ-оос ирүүлжээ. Баг тамирчдынхаа нэрсийг заасан хугацаанд ирүүлээгүй шалтгаанаар МЧБХ-ны шигшээ багийн тамирчдыг оролцуулах боломжгүй боллоо гэсэн шийдвэрээ тийнхүү цуцалсан байна. Торгууль оногдуулаагүй. МЧБХ-ноос мэдүүлгээ хоцроосон зарим нийгэмлэгийн тамирчдын эрхийг хасаж, оронд нь өөр бөхчүүдийг явуулах шийдвэр гаргасан гэж тус холбооноос мэдээллээ. Монголчууд бүрэн бүрэлдэхүүнээрээ оролцох нь. Бэлтгэл сургуулилтаа сайн хийж, аварга болохыг бөхчүүддээ хүсэн ерөөе.