Испанийн “Ла лиг”-ийн 33 дугаар тойрогт “Реал Мадрид” болон “Барселона” багууд таарч тоглолоо. “Реал мадрид”-ын “Сатиаго Бернабэю” цэнгэлдэхэд болсон тоглолтод зочин баг “Барса” өрсөлдөгчөө 2:3-аар хожлоо.
Энэ удаагийн тоглолтын 28 дахь минутад Касемиро гоолдож, тооны харьцааг нээсэн. Гэвч 33 дах минутанд л Месси тэнцүүлсэн. Улмаар 73 дахь минутад Ивиан Ракитич зочдод тэргүүлэл авчирсан. Энэ үед “Реал”-ын гол хамгаалагч Рамос улаан хуудас авч, талбайг чөлөөлсөн. Арвуулаа үлдсэн ч “Реал” бууж өгөлгүй 85 дахь минутад Хамес гоолдож, тэнцүүлж. Харин 90+2 дахь минутад дэлхийн шилдэг хөлбөмбөгч Месси гоолдсоноор өрсөлдөгчөө эцсийн мөчид буулгаж авсан. Тэрбээр “Ла лиг”-ийг 31 гоолтой болж, мэргэн буучийн жагсаалтыг тэргүүлж байна.
О.ДАШНЯМ