Буянт-Ухаа цогцолборт Өсвөрийн улсын АШТ өнөөдөр эхэлж байна. Олимпийн анхны мөнгөн медальт Ж.Мөнхбат аваргын нэрэмжит тэмцээнийг Хакухо сан ивээн тэтгэж байгаа юм байна. 21 аймаг, 3 хот, 9 дүүргийн өсвөрийн бөхчүүд 3 хоног уран мэхийг уралдуулан, хурд хүчээ үзэж байна. Сонирхуулахад, Ж.Мөнхбат аварга маань номоо дурсгахдаа дараалсан 5Д үсгийг дараалан нэрнийхээ өмнө бичиж заншсан. Задаргаа нь энгийн. Даяар Дуурсагдах Далай Даян Дархан гэсэн үг. ДДДДД Аварга Ж.Мөнхбат дурсгав гэсэн гарын үсэг бүхий номыг ихэд бэлэгшээн авсан байдаг. Тэгвэл ирээдүйн ДДДДД аварга болох залуучууд Буянт-Ухаа цогцолборт хүчээ үзэж байна.
Э.ГАНТӨР