Италийн Сери А лигийн 33 дугаар тойргийн сүүлийн тоглолт хүснэгтийн дэд байрт бичигдэж буй “Рома” болон “Пескара” клубуудын хооронд явагдлаа. Энэ удаагийн тоглолтын эхний гоолыг 44 дэх минутад Стротман тооны харьцааг нээсэн бол Наингголан нэгдүгээр үеийн төгсгөл нэмэлт минутанд гоолдсон байна.
Хоёрдугаар үед ч “Рома”-ийн “гоолын бороо” зогссонгүй. 48 болон 60 минутанд Мухамед Сала гоол оруулсан. Харин “Пескара”-аас нэр төрийн гоолыг 83 дахь минутад Бенали хийсэн юм. Ийнхүү “Рома” 75 оноотой болж дэд байраа хадгалж үлдлээ.