Монголын Чөлөөт бөхийн холбооноос 7 дахь жилдээ зохион байгуулж буй “Мongolia open” тэмцээн ирэх амралтын өдрүүдэд “Буянт-Ухаа” спортын ордонд зохион байгуулагдана. Энэ удаагийн тэмцээнд Монгол, ОХУ, БНХАУ, АНУ, Болгар, Япон, Польш, Киргиз зэрэг орны тамирчид хоёр өдрийн турш Улаанбаатарын дэвжээнээ хүч үзнэ.
Тус тэмцээнд Монгол улсаас Дэлхийн хошой аварга С.Батцэцэг, МУГТ Г.Мандахнаран, МУГТ Э.Бэхбаяр, ОУХМ П.Орхон нарын шилдэг тамирчид бүгд зодоглох юм. Энэ жилийн тэмцээний хувьд Азийн аварга шалгаруулах тэмцээний өмнөх сорил тэмцээн болж байгаагаараа илүү онцлогтой. “Mongolia open” тэмцээнийг ETV телевиз болон Sportlife.mn сайт цахим хуудсаараа шууд дамжуулан хүргэнэ.
О.ДАШНЯМ