Үндэсний сагсан бөмбөгийн холбооны Плэй оффын эхний шатны тоглолтууд өндөрлөж өнөөдөр хоёрдугаар шат эхэллээ. Энэ өдөр “Сан Антонио Спөрс” талбайдаа “Хьюстон Рокетс”-г хүлээн авч цувралын эхний тоглолтыг хийлээ.
Тоглолтын эхнээс л зочид илүү байж эхний хагасыг 69-39 харьцаагаар Рокетс илүүрхсэн. Хоёрдугаар хагасд ч Хьюстэн давамгайллаа алдсангүй 126:99-ээр Грэгг Поповичийн “цэрэг”үүдийг хожлоо. Тус тоглолтод Трейвэр Ариза 23 оноогоор багаа тэргүүлсэн бол Жеймс Харден 20 оноо, 14 дамжуулалт, Капела 20 оноо, 13 самбараас бөмбөг авчээ. Харин эсрэг багаас Кавай Леонард 21 оноо, 11 самбар, 6 дамжуулалтаар багаа тэргүүлжээ.
Энэ өдөр “Клевлэнд Кавалерс” баг “Торонто Репторс”-той мөн цувралын эхний тоглолтоо хийж 105-116 харьцаагаар хожил байгууллаа.
Тус тоглолтод Леброн Жеймс 35 оноо, 10 самбараас бөмбөг авч багаа тэргүүлсэн бол Кари Ирвинг 24 оноо, 10 дамжуулалт, Кэвин Лов 18 оноогоор тусалжээ. Харин эсрэг багаас Кайл Ловри 20 оноог авлаа.
О.ДАШНЯМ