18:15. Ийм харьцаагаар өнгөрсөн оны дэлхийн аварга Сэлбийг Хиггинс буулгаж авлаа. Гараагаа маш сайн эхэлсний хүчинд ялалт байгуулсан. 10:4 харьцаагаар хол тасарч яваад 17:15 гэсэн 2 -хон хожлын зөрүүтэй болсон. Гэвч 33 дахь үеийг няхуур цохиж, тоглолтыг эргүүлснээр Хиггинс 2017 оны дэлхийн аварга болж 375000 фунт стерлинг буюу 1 тэрбум төгрөгийн мөнгөн шагнал хүртлээ. Тэр энэ удаа ялснаар алдарт Сулвиваны 5 түрүүлсэн амжилттай зэрэгцэн ирсэн байна. 2017 оны дэлхийн аваргад түрүүлэх магадлал өндөр байсан Хятадын снуукерчин Дин Жин Хуйг хагас шигшээд 17:15 харьцаагаар Сэлби буулгаж авсан байна. Сэлби гараагаа тааруухан эхэлсэн нь Дин Жин Хуйтай тоглохдоо хамаг энергиэ зарцуулсан гэж мэргэжилтнүүд дүгнэж байна.
Э.ОТГОО
