БНХАУ-ын Наньжин хотноо болсон 3x3 Дэлхийн Чалленж тэмцээнд Монголын баг оролцож хүрэл медаль хүртсэн. Манай залуус тус тэмцээнд томоохон шуугиан тарьж, шилдгүүдийг хожсоор медалийн тавцанд зогссон юм. Манай улсын “UB Garuda” багт ОУХМ Д.Дэлгэрням, Э.Цэрэнбаатар, Э.Дөлгөөн, Г.Цэнгүүнбаяр нар тоглосон юм. Манай баг дэлхийн шилдэг Сербийн “Земун” багийн эсрэг гайхалтай тоглолт үзүүлж, олон хүнийг алмайруулж чадсан. Земун багийн эсрэг манай залуус хамгийн их буюу 18 оноо авсан байна.
Улмаар монголын сагсан бөмбөгчид ийнхүү дэлхийн шилдгийн шилдгүүдийн өрсөлдөөн "FIBA 3x3 WORLD TOUR"-д оролцох эрхээ авлаа. Тус тэмцээн энэ сарын 29-нд Япон Улсын Уцономияа хотод (Utsonomiya, Japan) болно. World Tour тэмцээнд чалленж тэмцээнээс эрхээ авсан шилдгүүд өрсөлддөг.
Эх сурвалж : МҮСБХ
