Дорнод бүсийн дэд байраар play off-д шалгарсан “Клевлэнд Кавалерс” цувралын дөрөв дэх тоглолтоо “Торонто Репторс”ын талбайд хийж 109:102-оор илүүрхэж бүсийн аваргын төлөө тоглохоор боллоо. Энэ өдрийн тоглолтод Леброн Жеймс 35 оноо, 9 самбар, 6 дамжуулалтаар багаа тэргүүлсэн бол Кайри Өрвинг 27 оноо, Кайл Корвер 18 оноогоор авсан байна. Харин Торонтогоос багаас төвийн тоглогч Сөрж Ибака 23, Димари Дирозен 22, Кори Жосип 20 оноог авсан.
Ийнхүү гол тоглогч Кайл Лаури бэртэлд алдсан Рэпторсын энэ улирлын аялал энд хүрээд өндөрлөж байна. Нөгөө талд өнөө цагийн дэлхийн шилдэг Леброн Жеймс бүсийн финалд долоон жил дараалж үлдэж байна.
Энэ өдрийн өөр нэг тоглолт “Вашингтон Визардс”, “Бостон Селтикс” багуудын хооронд явагдаж нийслэл хотын баг 121:102-оор хожиж цуврал тоглолтыг 2:2 болгож тэнцүүллээ. Визардсаас хамгаалагч Бредли Бил 29 оноо авч багаа тэргүүлсэн бөгөөд холын зайнаас 6 удаа амжилттай довтолсон байна. Харин холбогч Жон Уол 27 оноо, 12 оновчтой дамжуулалт гүйцэтгэсэн. Энэ өдөр “Бостон”-оос Исиа Томас 19 оноо авсан ч баг нь хожигдсон.
Сүүлийн тоглолт “Сан Антонио спүрс” болон “Хюстэн Рокетс” багуудын хооронд явагдаж 125:104-өөр Майк Ди Антониогийн баг хожил байгуулсан юм. Рокетсоос багийн лидер Жеймс Харден 28 оноо, 12 оновчтой дамжлуулалт гүйцэтгэсэн бол сэлгээнээс Эрик Гордон 22 оноогоор түүнд тусалсан. Харин Спүрсээс Кавай Лионард, Ламаркус Алдрич нар 16 оноо авсан байна.
.JPG)
