Бөхийн чөлөөт барилдааны Азийн аварга шалгаруулах тэмцээн өчигдөр Энэтхэг улсад эхэллээ. Энэ өдөр эмэгтэйчүүдийн 63 кг-д хүч үзсэн МУГТ С.Батцэцэг алтан медаль хүртэж төрийн дууллаа эгшиглүүллээ.
Тэрээр алтан медалийн төлөөх барилдаанд Японы тамирчин Айна Жемпейг цэвэр ялсан юм. Энэ нь түүний азийн аваргаас хүртэж буй анхны алтан медаль нь бөгөөд 2009 онд мөнгөн медаль хүртэж байсан билээ.
Мөн тэмцээний эхний өдөр “Хилчин” спорт хорооны тамирчин, спортын мастер Г.Уртнасан зодоглож хүрэл медалийн төлөөх барилдаанд Казахстаны Гульмарал Йербековад цэвэр ялагдаж тавдугаар байрт шалгарлаа. Тэрээр зооны аваргын төлөөх барилдаанд БНХАУ-ын Палиха палихад цэвэр ялагдаж хүрэл медалийн төлөө барилдсан юм
Тэмцээний хоёрдох өдөр эмэгтэйчүүдийн 48 кг-д ОУХМ Э.Нарангэрэл, 53 кг-д ДАШТ-ний мөнгө, хүрэл медальт МУГТ Д.Отгонцэцэг, 55 кг-д ОУХМ Э.Даваачимэг, 60кг –д ОУХМ Б.Шоовдор 69 кг-д Ш.Түмэнцэцэг нар дэвжээнд гарна.