Чөлөөт бөхийн насанд хүрэгчдийн ААШТ энэ өдрүүдэд Энэтхэг улсын Дели хотод үргэлжилж байна. Эрэгтэйчүүдийн 86 кг-д хүч үзсэн МУГТ П.Өнөрбат энэ удаагийн тэмцээнээс хүрэл медаль хүртлээ. Тэрээр эхний тойрогт Японы Масао Мацусакаг хожсон бол удаах тойрогт Тажикстаны Баходур Кодировыг 4:0-ээр ялж хагас шигшээд шалгарсан.
Харин мөнгөн медалийн төлөөх барилдаанд Азийн аварга Ираны Алиреза Каримид оноогоор цэвэр хожигдож хүрэл медалийн төлөөх барилдах эрхтэй болсон. Медалийн төлөө БНСУ-ын Ким Гван Уктай хүнд брилдаан хийж 7:6-аар ялсан. Энэ түүний твийн аваргааас хүртэж буй тав дах медаль нь юм.
Мөн энэ өдөр эрэгтэйчүүдийн 125 кг-д ОУХМ Н.Золбоо барилдаж хүрэл медаль хүртсэн. Манай тамирчин эхний тойрогтоо залуучуудын Казахстаны Ермукамбет Инкарыг 12:6 ялсан ч хоёрдугаар тойрогт Ираны Ядоллах Мохебид 5:1-ээр хожигдсон. Улмаар дагах тойрогт орж БНХАУ-ын Хай Шаныг, хүрэл медалийн төлөө барилдаанд БНСУ-ын Нам Кун Жинийг дараалан цэвэр ялж хүрэл медаль хүртлээ.