Монголын залуучуудын футзалын шигшээ баг Азийн 20 хүртэлх насны аварга шалгаруулах тэмцээнд оролцож байгаа билээ. Тэмцээний “D”хэсэгт багтаж эхний тоглолтондоо Арабын нэгдсэн Эмиратыг буулгаж аваад байсан бол хоёр дахь тоглолтоо Азийн чансааг тэргүүлэгч Ираны шигшээ багтай хийж 6:0-ээр ялагдал хүлээлээ. Тоглолтын эхнээс Ираны багийн залуус тоглолтын санаачлагыг гартаа авч эхний үед л 5 гоол оруулсан. Харин хоёрдугаар үед Монголын багийн хамгаалалт учраа олж нэг л гоол алдсан.
Монголын баг хэсгийн гуравдах тоглолтоо Киргизийн багийн эсрэг өнөөдөр хийнэ. Хэрэв хожсон тохиолдолд анх удаа оролцож буй манай багийн хувьд хэсгээсээ шалгарах боломжтой. Манай футзалын шигшээ баг дэлхийн чансаанд одоогоор бичигдэж амжаагүй бөгөөд Азид нэгдүгээрт эрэмбэлэгддэг багтай сайн тоглолт үзүүлсэн юм.
О.ДАШНЯМ