Долоон настай Л.Бүжинлхам охинд элэг шилжүүлэн суулгах мэс заслыг 4 дүгээр сарын 23-ны өдөр хийсэн бөгөөд мэс заслын дараах эмчилгээ амжилттай болж өчигдөр эмнэлгээс гарлаа. Эрүүл мэндийн сайд А.Цогцэцэг охиныг эрүүл саруул болоод эмнэлгээс гарч байгаад баяр хүргэж, цаашдын гам дэглэмээ сайн барихыг хүслээ.
Охины ээж донор болсон бөгөөд мөн биеийн байдал нь сайн байгаа юм. Тэрээр хагалгаанд орохын өмнө их айж байсан, гэхдээ эмч, нарынхаа ачаар эсэн мэнд, эрүүл саруул болоод гэр бүлийнхэнтэйгээ хамт зогсож байгаадаа баяртай байна. Эмч нартаа болон Эрүүл мэндийн сайдад баярлаж талархснаа илэрхийлье, тусалж дэмжсэн Монголынхоо нийт ард түмэнд баярлалаа гэв.