Волейболын эрэгтэйчүүдийн Зүүн Азийн аварга шалгаруулах тэмцээн энэ өдрүүдэд “Буянт-Ухаа” спортын ордонд явагдаж байна. Монголын шигшээ баг өчигдөр хэсгийн сүүлийн тоглолтоо Өмнөд Солонгсын багийн эсрэг хийж 5 сетийн турш ширүүн өрсөлдөөн үзүүлж 3:2-оор ялагдал хүлээлээ.
Тоглолын эхний сетэд Монголын багийн Э.Сайнбилэг, Э.Сайханбаатар, Э.Алтангэрэл нарын довтолгоонууд байндаа тусахын зэрэгцээ Эрдэмбилэгийн хаалтууд үр дүнгээ өгч Монголын баг 25:19-өөр илүүрхсэн. Харин сетийг Монголын баг онооны давуу байдалтай эхлүүлсэн ч төгсгөлд бариулж 28:30-аар ялагдсан.
Гуравдугаар үеийн тоглолт ч тэнцүүхэн үргэлжилж 21:25 харьцаатайгаар манайхан хожигдлоо. Гэсэн дөрөвдүгээр үед ялагдах эрхгүй талбайд гарсан Монголын багийн тамирчдаас залуу мастер Э.Алтангэрэл, олон улсын хэмжээний мастер Э.Сайнбилэг нар гайхалтай байж 25:22-оор ялсан.
Харамсалтай нь шийдвэрлэх тавдугаар үед 9:15 харьцаагаар БНСУ-ын баг ялалт авснаар хэсгээс нэгээр шалгарсан юм. Энэ үед чухал довтолгоонуудыг залуу мастер Анхбаяр зоригтой гүйцэтгэж байсан ч сүүлийн гурван довтолгоогоо амжилтгүй болгосон юм. Ингэснээр Монголын шигшээ баг хэсгийн дэд байрт шалгарч хасагдах шатанд Японы хүчирхэг багтай тулахаар боллоо.
О.ДАШНЯМ