Цуврал 2-2
Плэй-оффын хоёрдугаар шатанд учраа таарсан Архангай Алтан Дорнодын Дайчид, Ховд Мон-Алтиус багийн тоглолт үнэхээр сонирхолтой өрнөж буй. Сагсан бөмбөг сонирхогчид энэ цувралаас л жинхэнэ плэй-оффын ширүүн өрсөлдөөнийг харж байгаа.
Дөрөв дэх тоглолтод Ховд-ын Брэндон Моррис торгуулийн улмаас оролцсонгүй. Тоглолтыг Ховд сайн эхлүүлсэн Дайчид богинохон хугацаанд сэргэлт авч тэргүүлэл авав. Гэхдээ Ховд багийн залуус оноо ойрхон барьж байлаа. Гуравдугаар үед Дайчид илүүрхэж чадсанаар 10 гаруй оноогоор тэргүүлсэн юм. Улмаар шийдвэрлэх дөрөвдүгээр үед Ховд Мон-Алтиус юу ч хийж чадсангүй.
Ийнхүү Дайчид өрсөлдөгчөө 105:84-өөр буулган авч, цувралыг 2-2 болгон тэнцүүлэв. Тус тоглолтод Дайчид-аас Роберт Тюрнер 22 оноо, 10 самбар, 7 бөмбөг таслалт хийж, багаа ялалтад хөтлөсөн юм. Мөн ОУХМ Ц.Мэргэн 17, Э.Цэрэнбаатар 13, Ким Чол Мён 12 оноо тус тус авчээ. Ховд Мон-Алтиус багаас Б.Батзолбоо 26 оноо, Б.Дархантөгс 17, А.Гансүх 11 оноо авсан байна. Хоёр багийн цувралын тав дахь тоглолтод ирэх баасан гаригт болно.
Эх сурвалж : МҮСБХ