Челси Английн аварга болсон. Конти гайхагдсан. Манчестер Юнайтед Европа лигт түрүүлж эх орондоо цом авчирсан. Тоттенхем 2-р байрт шалгарсан. Пеп Гвардиоллагийн Манчестер Сити баг хүрэл медаль хүртсэн. Тэгвэл Премьер лигт эхний 3-т багтаж чадаагүй Арсенал баг Челсийг 2:1 харьцаагаар буулган авснаар Английн цомын эзнээр тодорлоо. Арсеналчууд тоглолтыг эхнээс нь хошуучилж, 90 минутын турш давамгайлсан. Арсен Венгерийн хөвгүүд довтолгоо гэж юу байдгийг үзүүллээ гэж хөлбөмбөгийн тайлбарлагчид дүгнэв.
Тооны харьцаа 2:1 биш, 4:2 -оор дуусах байсан гэж мэргэжилтнүүд үнэлсэн. Франц гаралтай Арсен Венгер чадварлаг дасгалжуулагч гэдгээ бас дахин баталлаа. Челси, Манчестер Юнайтед, Тоттенхем, Манчестер Сити, Арсеналийн фанатууд баяр хөөрөө нууж чадахгүй байна. Ирэх жилийн аварга шалгаруулах тэмцээн ихээхэн өрсөлдөөнтэй болохыг энэ оны амжилт амлаж байна гэж хэлж болох.
Э.БАЛЖАА
