Чөлөөт бөхийн үндэсний шигшээ багаас насанд хүрэгчдийн дэлхийн аваргын хошой хүрэл медальт МУГТ Г.Мандахнаран, ДАШТ-ний мөнгөн медальт ОУХМ Б.Номин, Армын Дэлхийн аварга ОУХМ О.Үйтүмэн, улсын аварга Н.Лхамгармаа нарыг хассан байна.
Энэ талаар “Үндэсний шигшээ багийн алба”-аас тодруулахад “Эдгээр тамирчид ёс зүйгүй үйлдэл гаргаж үндэсний шигшээ багт бэлтгэл хийхээс татгалзсан. Бид чөлөөт бөхийн холбоогоор дамжуулж сануулга хүргүүлсэн ч тоохгүй явсаар өнөөдрийг хүрсэн. Төрөөс цалинжиж байж тамирчин хүн хариуцлагатай байх ёстой” гэж мэдэгдсэн юм. Шигшээ багаас хасагдсан дөрвөн тамирчин нь МУГД Ц.Цогтбаяр, МУГД Ц.Хосбаяр, МУГТ О.Пүрэвбаатар, МУГТ Энхбаяр нарын удирдлагад шинээр байгуулагдсан “Аваргууд” академид бэлтгэл сургуулилтаа базаадаг.
О.ДАШНЯМ