Английн Ливерпүүл клуб Египт “Месси” Мухамед Салаг 40 сая еврогоор эгнээндээ нэгтгэхэд ойрхон байна. Ливерпүүл клуб Салатай долоо хоногт 90 мянган фунтын цалинг амлаж дөрвөн жилийн гэрээг үзэглэхээр зэхэж байгаа юм.
Тэрээр 2013 оны улиралд “Базел” клубээс найдвар тээж Лондоны “Челсид” газардаж байсан ч тоглох боломж олдолгүй байсаар Италийн “Фиорентина”-руу зарагдаж байсан. Улмаар “Рома”-ын бүрэлдэхүүнд өнгөрсөн улиралд тоглосон. Хэрэв энэ наймаа биелэлээ олвол “Ливерпүүл”-ийн довтолгоонд Мухамед Сала, Сайдо Мане гэсэн хурдтай хослол Премиер лигийг чимэх нь.
(1).JPG)
