.jpg)
Монгол улсын арслан хүчит арслан Лувсан-чимэдийн Сосорбарам, Өлзийсайханы Эрдэнэ-Очир нарын нэрэмжит улс аймгийн алдар цолтой хүчит бөхийн барилдаан Төв аймгийн Зуунмод хотод явагдлаа.
Барилдаанд улсын гарди Ж.Бат-Эрдэнэ, улсын заан Б.Батмөнх, улсын заан Б.Соронзонболд нараар манлайлуулсан хүчит 128 бөх зодоглосноос Ховд аймгийн зэрэг сумын харьяат улсын харцага Б.Бат-Өлзий түрүүлж, Төв аймгийн Баянхангай сумын харьяат улсын заан Б.Батмөнх үзүүрлэсэн байна.
Их шөвөгт Говь-Алтай аймгийн Эрдэнэ сумын харьяат улсын заан Б.Соронзонболд, Төв аймгийн Өндөрширээт сумын харьяат чөлөөт бөхийн олон улсын хэмжээний мастер аймгийн арслан Д.Хүдэрбулга шалгарсан аж. Бөхийн барилдааны зүүний манлай улсын гарди Ж.Бат-Эрдэнэ дөрвийн даваанд аймгийн арслан Д.Хүдэрбулгад өвдөг шороодсон бол Завхан аймгийн харьяат аймгийн харцага Анхбаяр сайн барилдаж улсын начин Л.Гантулгаар гурав давсан байна.
О.ДАШНЯМ
