Английн Саутхэмптон клубийн ахлагч, төвийн хамгаалагч Виржил Ван Дик Ливерпүүл клубтэй нэгдлээ. Голланд хамгаалагчийн төлөө Ливерпүүл 50 сая орчим фунт зарцуулсан бөгөөд 7 хоногийн 200 мянган фунтийн цалин олгохоор тохирсон аж. Ингэснээр Ван дик “Улаан”-уудын хамгийн өндөр цалинтай тамирчин блож байгаа юм.
Виржил Ван Дикд Ливердүүлээс гадна “Манчестер сити”, “Челси” зэрэг клубууд санал хүргүүлсэн ч тоглогч өөрөө “Анфилд”-д Юрген Клоппын удирдлагад тоглохыг илүүд үзсэн байна. Энэ нь Ливерпүүл клубийн хувьд энэ зун хийж буй гурав дахь наймаа нь бөгөөд тэд “Челси”-ээс Соланко, “Рома”-аас Мухамед Сала нарыг эгнээндээ нэгтгээд байсан юм.
Сонирхуулахад Ван Дик “Саутхэмптон”-оос “Ливерпүүл”-д зарагдаж буй 6 дахь тамирчин нь болж байна. Өмнө нь Адам Лаллана, Дэян Ловрен, Натанел Клайн, Сайдо Мане, Рики Ламберт нар “гэгээнтэн”-үүдээс Ливерпүүлрүү шилжиж байсан билээ.