Унгарын домогт хөлбөмбөгчин Фушкашийн академид суралцаж буй “Хоромхон” клубийн довтлогч Г.Ганбаяр 17 хүртэлх насны ангилалд “Сузуки кап” тэмцээнд оролцож байгаа билээ. Өчигдөр тус тэмцээний хүрэл медалийн төлөө Фушкашийн академийн баг Будапешт Хонвед багтай тоглолоо. Тоглолтын үндсэн цагт багууд 1:1-ээр тэнцсэн бөгөөд торгуулийн цохилтоос Фушкашийн академийн баг 7:6-аар хожил байгуулсан байна.
17 насандаа дээд лигид тоглож явсан авьяаслаг тамирчин Г.Ганбаяр багийнхаа гуравдах торгуулийн цохилтыг амжилттай гүйцэтгэсэн юм. Ийнхүү Дархан-уул аймгаас гаралтай тамирчин Г.Ганбаяр Европ тивээс медаль хүртсэн анхны Монгол хөлбөмбөгчөөр тодорлоо.
(1).JPG)
