Хөлбөмбөгчийн замналынхаа оргил үеийг Премьер лигийн “Нью Кастл Юнайтед” клубэд өнгөрүүлсэн Зааны ясан эргийн хагас хамаалагч Шейк Тиоте 30 насандаа таалал төгслөө. Тэрээр Хятадын хоёрдугаар лигийн “Бээжин Энтерпресс” клубэд тоглож байсан бөгөөд өнгөрсөн Даваа гарагийн бэлтгэлийн үеэр зүрх нь муудаж эмнэлэгт хүргэгдсэн ч сэхээ оролгүй нас барсан байна.
Шейк Тиоте Голландын “Твенте” клубээс мэргэжлийн тамирчны замналаа эхлүүлж 2010 онд Английн “Нью Кастл Юнайтед” ирж өнгөрсөн нэгдүгээр сард Хятадын лигийг зориод байсан юм. Тиоте кареертаа клубийн хүрээнд 238 тоглолтод оролцож 4 гоол оруулж байсан бол шигшээ багтайгаа 52 тоглолт хийж нэг гоол оруулж байжээ. Мөн 2015 онд Зааны ясан эргийн багийн хамт Африкийн цомын тэмцээнд түрүүлж байжээ.
О.ДАШНЯМ