Казахстаны Ерөнхийлөгч Нурсултан Назарбаевын нэрэмжит сонирхогчдын боксын олон улсын тэмцээн энэ өдрүүдэд Астана хотод үргэлжилж байна. Энэ удаагийн тэмцээнд Монголоос гавьяат дасгалжуулагч Д.Батсүрэнгийн удирдлагад ОУХМ А.Нурлан, Б.Төмөрхуяг, ОУХМ Г.Баярхүү, О.Батзориг нарын ширэ бээлийтнүүд тулалдаж байгаа юм.
Тэмцээний 64 кг-д тулалдсан ОУХМ Г.Баярхүү хүрэл медалийн төлөөх тулаан ялалт байгуулж мөнгөн медалийн төлөө тоглох эрх авсан байна. Бусад тамирчдын хувьд эхний тулаандаа ялалт байгуулж хүрэл медалийн төлөө тулалдахаар болжээ.
О.ДАШНЯМ
