Багш нар үйлдвэрчний эвлэлийн хорооноос багш нарын цалинг хоёр дахин нэмэгдүүлэх талаар Засгийн газарт шаардлага хүргүүлсэн. Хэрвээ энэхүү санал, шаардлагыг хүлээн авахгүй бол энэ сарын 11-нээс багш нар ажил хаялт зарлахаа мэдэгдсэн. Тэдний зүгээс өнөөдөр 14.00 цагаас эхлэн Сүхбаатарын талбайд уг шаардлагаа сануулах жагсаалыг хийлээ.
Жагсаалд нийт 6000 орчим багш оролцож байгаа бөгөөд “Багш нарын цалинг хоёр дахин нэмэгдүүлэхийг шаардан төрийн ордныг тойрлоо. “Татварыг бууруулъя”, Багш нарын үнэлэмжийг нэмэгдүүлье”, “Төсвийн хөрөнгөөр баяжигчид ичээч ээ” хэмээн лоозон барьсан багш нар 9-р сарын 15-ны дотор шаардлагын хариуг ирүүлэхийг хүслээ.
Ц.ЧУЛУУНЦЭЦЭГ