Баянгол дүүргээс сонгогдсон УИХ-ын гишүүн, НИТХ, ДИТХ-ын төлөөлөгчид багаараа ажиллаж, ирэх онд тус дүүрэгт хийх хөрөнгө оруулалтын ажлуудаа батлуулсан. Төсвийн хөрөнгөөр хийгдэх хөрөнгө оруулалтын ажил цаг хугацаандаа, чанартай хийгдэх шаардлагатай боловч газаргүй, зураг төсөл нь дутуу зэргээс хөрөнгө оруулалт, бүтээн байгуулалтын ажлууд саатах хүндрэл үүсдэг.
Иймд 2018 онд хийгдэх хөрөнгө оруулалт, бүтээн байгуулалтын бэлтгэл ажлыг хангуулах зорилгоор Л.Нарантуяа тэргүүтэй НИТХ-ын Баянгол дүүргээс сонгогдсон төлөөлөгчид Нийслэлийн холбогдох мэргэжлийн байгууллагууд болон Баянгол дүүргийн холбогдох албан тушаалтнуудыг оролцуулан уулзалт хийлээ.
Баянгол дүүрэгт хийгдэх боломжтой сургууль, цэцэрлэгийн барилгын ажил, инженерийн шугам сүлжээ, автозам, тохижилт, дээвэр, фасад, дулаалга зэргийн байршил тодорхойгүй, газар чөлөөлөлт хийгээгүй асуудлуудлыг энэ ондоо багтаан шийдвэрлэж, 2018 оны хөрөнгө оруулалтын ажлын бэлтгэлийг хангахаар боллоо.
Ц.ХИШГЭЭ