Халимаг улсын мисс Сарантуяа Ганбаатаровна Даваасүрэн Монголд байгаа аавтайгаа уулзах чин хүслийг тээж Монгол туургатны миссийн тэмцээнд оролцжээ. Түүний ээж гурван настай байхад нь өвчний улмаас хорвоогийн мөнх бусыг үзүүлсэн бөгөөд аав нь охиноо аван Монгол руу буцах гэсэн ч өвөө, эмээ нь өгөлгүй авч үлдсэнээр эцэг охин хоёрын холбоо тасарсан байна. Охин найз нөхдийнхөө хамт аавыгаа 15 жил хайсны эцэст ийнхүү "Монгол туургатан"-ы тайзнаа уулзжээ. Охиноо “мисс авъяас” номинацыг үзүүлэх үеэр аав нь түүнд алд цагаан хадагтай сүү барьсан нь олон хүний сэтгэлийг хөдөлгөсөн байна.
А.САЯН
