УИХ-ын гишүүн Х.Баттулгын туслахаар ажиллаж байсан Г.Түвшинжаргал гэх эмэгтэйг Сайншандын аж үйлдвэрийн цогцолборын ажлаас их хэмжээний мөнгө завшсан гэх хэргээр энэ сарын 16-ны өдөр саатуулсан. Уг хэргийн шүүх хурал болж, улмаар шүүхээс 14 хоног цагдан хорихоор шийдвэрлэсэн ч хорих хугацааг тодорхойгүйгээр дахин сунгаад байсан юм. Г.Түвшинжаргалыг батлан даалтад гаргах саналыг ЦЕГ-аас прокуророор дамжуулан, шүүхэд гаргасан байна. Шүүхээс түүний хувийн байдлыг харгалзан цаашид цагдан хорих таслан сэргийлэх арга хэмжээ авах шаардлагагүй гэж үзэн, батлан даалтад гаргахаар болжээ.
А.САЯН