Хан-Уул дүүргийн 11 хорооны нутаг дэвсгэр буюу Богд Хан-Уулын модон дотор хүн хэвтэж байна гэсэн дуудлага өчигдөр цагдаагийн байгууллагад иржээ. Дуудлагын дагуу очиход Сүхбаатар дүүргийн 8 дугаар хорооны иргэн 22 настай Б согтуугаар ууланд авиралт хийж яваад осгосон байдалтай олджээ. Одоогоор тэрээр ГССҮТ-д эмчлүүлж байна.
Сүүлийн үед нийслэлийнхэн амралтын өдрөөр чөлөөт цагаа цэвэр агаарт өнгөрөөх, уул хаданд авирах богино зайн аялал хийх сонирхолтой болсон. Иймээс иргэд, согтууруулах ундаа хэрэглэсэн үедээ мөн ганц нэгээрээ ууланд явахгүй байхыг ОБЕГ-аас анхааруулж байна. Ялангуяа ойрын өдрүүдэд цаг агаар муудах тул уул хаданд зугаалах гэж байгаа бол түр азнахыг зөвлөе.
А.САЯН
