Дарь. Сүхбаатар өнөөдөр МоАХ-ны туг болж явна. Тэр 1990 онд хувьсгал хийж явахдаа ийм нийгмийг хүсээгүй гэдгээ цээжээ онгойтол ярьж явна. Ямар ч гэсэн өөрчлөлт хийх ёстой, тиймээс МоАХ-ны зүгээс "Жудагт Монгол" хөдөлгөөнийг дэмжих болсноо мэдэгдлээ.
"Ард түмний дундаас төрийн толгойд гарсан луйварчид улс төрөөр бизнес хийж, эргээд ард түмнээ дарладаг юм байна. Энэ хүмүүстэй МоАХ эцсээ хүртэл тэмцэнэ. Сонгуулийн хувьсгал хийж, нэгэнт нэр нүүрээ илчилсэн, худалч хулгайч нарыг улс төрөөс зайлуулах ёстой" гэж МоАХ-ны анхдагч гишүүн Дарь. Сүхбаатар хэллээ.
Тэр тэмцлийн хэлбэрийг тууштай сонгосноо ийнхүү зарлалаа. Тэр хэнийг улс төрөөс зайлуулахаа нэрлэсэнгүй. Харин Женко тэр хүмүүс хэн хэн болохыг зарлалаа. Тэр Женког дэмжиж байна.
Ц.ОТГОНБАЯР