ОРОН НУТГИЙН “ДЭЭД БОЛОВСРОЛЫН ШИНЭЧЛЭЛ-БАГШИЙН ХӨГЖИЛ” СЭДЭВТ ЭРДЭМ ШИНЖИЛГЭЭНИЙ БАГА ХУРАЛ ХОВД АЙМАГТ БОЛЛОО

2018-05-12  

Монгол орны Баруун бүс нутгийн боловсрол, соёл, шинжлэх ухааны төв болсон Ховд Их сургууль нь орон нутгийн дээд боловсролын сургалтын байгууллагуудтай хамтран 2 жилд нэг удаа “Орон нутгийн их дээд сургуулиудын тулгамдсан асуудлууд, шийдэх арга зам” сэдэвт эрдэм шинжилгээний бага хурлыг уламжлал болгон зохион байгуулдаг. 2008 оноос хойш зохион байгуулж эхэлсэн энэхүү эрдэм шинжилгээний бага хурлыг энэ жилийн хувьд Боловсрол Соёл Шинжлэх Ухаан Спортын Яам, Дээд боловсролын шинэчлэл төсөлтэй хамтран “ДЭЭД БОЛОВСРОЛЫН ШИНЭЧЛЭЛ-БАГШИЙН ХӨГЖИЛ” сэдвийн хүрээнд Ховд аймагт зохион байгуулж байна.   

Баруун бүс нутгийн дээд боловсролын байгууллагуудын өнөөгийн төлөв байдал, тулгамдсан асуудлыг хэлэлцэх, шийдвэрлэх арга замыг тодорхойлох зорилготой уг эрдэм шинжилгээний бага хурал 5 дугаар сарын 11-нээс 13-ны өдөр хүртэлх хугацаанд зохион байгуулагдах бөгөөд Ховд, Увс, Баян-Өлгий, Завхан, Говь-Алтай аймгийн төрийн болон хувийн өмчийн бүх их дээд сургуулиудын төлөөлөл 100 гаруй эрдэмтэн, судлаачид, багш нар оролцож байна.

“ДЭЭД БОЛОВСРОЛЫН ШИНЭЧЛЭЛ-БАГШИЙН ХӨГЖИЛ” эрдэм шинжилгээний бага хурлын нээлтийн үйл ажиллагаанд Боловсрол Соёл Шинжлэх Ухаан Спортын Яамны сайд Ц.Цогзолмаа, Ховд аймгийн Засаг дарга, Баруун бүсийн зөвлөлийн дарга Д.Галсандондог, Ховд их сургуулийн захирал В.Сайнбаяр нар оролцож мэндчилгээ дэвшүүллээ.

 

 

Х.АЛТАНТУЯА /ХОВД АЙМАГ/

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ХӨЛБӨМБӨГИЙН ДАШТ 2018-Д ЯМАР УЛСЫН БАГ ТҮРҮҮЛЭХ ВЭ?