Covid-19 цар тахлын улмаас Монгол улс хөл хорио тогтоож сургууль цэцэрлэгийн үйл ажиллагааг есдүгээр сарын 1-ныг хүртэл түр зогсоогоод байна. Тэгвэл энэ хугацаанд БГД-ын эрдмийн өргөө цогцолбор сургуулийн захирал Н.Байгалмааг үндэслэлгүйгээр ажлаас нь чөлөөлж түүний оронд 130 дугаар сургуулийн захирлаар ажиллаж буй н.Баярбаатарыг хууль бусаар томилохоор зэхэж байна.
Үүнийг тус сургуулийн багш ажилчид эсэргүүцэж АТГ, БСШУЯ, холбогдох албан тушаалтнуудад хүсэлт хүргүүлсэн боловч одоог хүртэл ямар нэг хариу өгөөгүй байна. Иймд тус сургуулийн багш нар хууль бус томилгоог эсэргүүцэж, үндэслэлгүй шийдвэрийг цуцлах хүртэл тууштай тэмцэнэ. Цаашид цахим хичээлийг явуулах боломжгүй гэдгээ мэдэгдэж. Ийнхүү нөхцөл байдал хүндэрсэн тул дүүргийн засаг даргад хандасан байна.
Улмаар БГД-ын засаг дарга С.Одонтуяа БГД-ын эрдмийн өргөө цогцолбор сургуулийн үйл ажиллагаатай танилцаж. Яаралтай ажлын хэсэг байгуулж, асуудлыг шийдвэрлэнэ гэдгээ мэдэгдлээ.
БГД-ын засаг дарга С.Одонтуяа: н.Байгалмаа багшийн тухайд Монгол улсын гавьяат багш, нийслэлийн хэмжээнд арга зүйгээрээ тэргүүлдэг олон жил салбартаа үр бүтээлтэй ажилласан. Гэтэл өндөржүүлсэн бэлэн байдлын энэ үеийг далимдуулж боловсролын салбарын сайд нь ямар ч үндэслэлгүй тушаал гаргасанг эсэргүүцэж байна. Асуудлыг яаралтай шийдвэрлэх болно.
Э.Сувдаа