Монголын бурханы шашинтаны төв Гандантэгчэнлин хийд, бурханы шашины чиглэлээр үйл ажиллагаа явуулдаг төрийн бус байгууллага, төвүүд хамтран НҮБ-ийн Ерөнхий Ассамбелейгаас тунхагласны дагуу Зуны эхэн сарын шинийн 15 буюу Бурхан багшийн Их Дүйчэн өдрийг угтан маргааш өдөр хүндэтгэлийн парад зохион байгуулна.
Зохион байгуулагчид энэ өдрийг БУРХАН БАГШИЙН ИХ ДҮЙЧЭН ӨДРИЙГ Угтсан БАЯР болгон тэмдэглэж, нийтийн сайн сайхны төлөө энэрэнгүй сэтгэлээр, эвлэлдэн нэгдэж ёс суртахуунаа эрхэмлэхийг уриалж байна.
Хүндэтгэлийн парад 15:00 цагаас 16:30 цаг хооронд Гандантэгчэнлин хийдээс Сүхбаатарын талбай хүртэл төв зам дагуу үргэлжлэх бөгөөд уг үйл ажиллагаанд нийт 5080 хүн оролцоно.