Энэ удаагийн сонгуулиар ийм боломж түүнд бий. МНН намын жагсаалтаар 3-т жагсдаг нь түүнд давуу тал олгосон. МАХН-ыг сонирхохтой адил, МНН-ыг ч бусад намууд сонирхож байна. Тэр дэвшвэл, зөв тойргоо сонговол, гарах магадлал өндөртэй. Намаараа дэнчин тавиад жагсаалтад дээгүүр бичигдвэл, бас л шанстай. Бум-ялагч энэ удаа амьсгаагаа уужуухан авч болно. Түүнд олон боломж байна. МАХН, ХҮН нам гээд. Дээр нь эмэгтэйчүүдийн нам гарч ирсэн. МАХН-тай эвсэх ажлын хэсэг нь ажилдаа орсон. Гэвч бусад намтай эвсэх асуудал нээлттэй хэвээр гэж тэр дуулгалаа. Түүний хувьд эмэгтэй сонгогчдыг сонирхож эхэлсэн байна. Монголын идэвхтэй сонгогчдын 60-70% нь эмэгтэйчүүд байдаг гэсэн судалгаа түүний сонирхлыг ихээхэн татжээ. Тиймээс Монголын үндэсний эмэгтэйчүүдийн намтай тулж ажиллах болсноо хэвлэлийнхэнд дуулгалаа. Тэр ямартаа ч дангаараа орохгүй. Жижиг намууд эвсэхгүй бол сонгуульд сонгогдох магадлал тун бага гэдэг нь тодорхой. Тэгэхээр түүний нам эвсэх нь тодорхой. Бум-Ялагч бол Жаргалсайхан, Оюунтай адил намынхаа солигдошгүй даргаар ажиллаж буй нэгэн. Ийм нэгэн гишүүнтэй болоход ойрхон байх юм.
Тоймч Д. ЭНХТҮВШИН