Энэ жил нийслэлд цэцэрлэгт хамрагдах хүүхдийн бүртгэлийг цахимаар явуулж байгаа. Долдугаар сарын 25-нд эхэлсэн цахим бүртгэл өчигдөр /2018.8.23/ 23.59 цагт хаагдсан. Харин өнөөдөр /2018.8.24/ 09.00 цагт цахим элсэлт эхэллээ. Мөн элссэн хүүхдийн талаарх мэдээлэл өнөөдрийн 10.00 цагаас эхлэн бүртгүүлэхдээ ашигласан утасны дугаарт очно. Түүнчлэн цахим элсэлтийг тусгай программын тусламжтайгаар санамсаргүй түүврийн аргаар зохион байгуулж байгаа юм.
Цахим бүртгэлд 87 мянга гаруй хүүхэд бүртгүүлсэн бөгөөд төрийн өмчийн 222 цэцэрлэгт 83 мянга 621 хүүхдийг элсүүлэх юм.
