Нийслэлийн намыг атгасан М.Энхболд, Ж.Бадамжунай нарын бүлэглэлийн эрх мэдэл 20 жилийн дараа суларлаа. Тэд 20 жилийн дараа анх удаа Нийслэлийн намын даргын суудлаа өөрийн бус бүлэглэлд алдчих нь энэ. Эрх мэдэлд хүрсэн Сумьяабазар тэргүүтэй нийслэлийн МАН-ынхан Нийслэлийн Засаг даргын асуудлыг өнөөдөр хэлэлцэхээр болжээ. Горилогчийн нэг нь ИТХ-ын дарга Амарсайхан юм байна.
Оюуны Ундраа компанийн хаягтай Амарсайхан нийслэлийн намын даргад өрсөлдөхгүй гэдгээ илэрхийлсэн. Засаг дарга Батболдтой гар нийлж ажиллаж чадаагүй. Эмээлийн хоёр бүүрэг шиг хойш урагшаа харж ирсэн, сүүлийн хоёр жилд. Батболдын намын даргын сунгаанд ялагдсан нь Амарсайхантай таарамж муутай байсантай ч уялдаатай. Батболд намаа өгснөөс болж, эрх мэдлээсээ ч мултрах нь нэгэнт ойлгомжтой болж байна. Харин Амарсайхан уу?, эс бөгөөс түүнтэй хэл амаа ололцох, гар нийлэх өөр хүн үү? Гэдгийг хотын намын гишүүд өнөөдөр шийднэ.
Ц.ХИШГЭЭ
