Монгол 3-р сургуулийн сурагчид шинэ оны баярыг угтан өөрсдийн санаачлагаар 7 сая гаруй төгрөгний хандив цуглуулж сургуулийнхаа орон гэргүй 2 сурагчид бүрэн тавилгатай монгол гэр, гурил будаа зэрэг хүнсний бүтээгдэхүүн, түлээ нүүрс гардууллаа.
Багш сурагчид, эцэг эхийн төлөөллүүд хамтран “Амьдралд өнгө нэмэе” аянаа ийнхүү амжилттай зохион байгуулжээ. Сургуулийн нийт сурагчдын дунд судалгаа явуулж 2 сурагчийг сонгосон байна. Эдгээр хандив тусламжийн эзэд нь сургуульдаа сурлага, урлаг спортын өндөр амжилт гаргасан сурагчид юм байна. Ар гэрийн хувьд олон жил түрээсийн өрөөнд амьдарч ирсэн учраас тэдний сурч боловсрох хөгжих таатай орчныг ийнхүү бүрдлүүлэн өгсөнд монгол 3-р сургуулийн сурагчдийн ар гэрийнхэн чин сэтгэлээсээ талархаж байгаагаа илэрхийлсэн юм.
Ц.ТЭГШБУЯН