Төв аймгийн Сүмбэр сумын 2-р багийн нутаг Баруун тахилгат уулын энгэрт байрлах "Альтайр Гоулд" алтны компани малчдын өвөлжөө хаваржааны газарт олборлолт хийж эхэллээ. Сүмбэр сумынхан уг давхцалтай талбайг социализмийн үеэр газар тариалангийн зориулалтаар ашиглаж байгаад 1998 онд газар тариалан эрхлэх зөвшөөрлөө албан ёсоор авсан байна. Гэвч Ашигт Малтмал Газрын Тосны Газар-аас 2017 онд Альтайр гоулд ХХК-д уг талбайтай давхцуулан уул уурхайн үйл ажиллагаа явуулах зөвшөөрөл олгожээ. Ингэснээр Алтайр гоулд ХХК Сүмбэрчүүдийн тариалангийн талбай, малын бэлчээр дээр олборлолт явуулж эхэлсэн байна.