Л.Наранбаатар гэдэг залуу байдаг. Харахад энгийн, цэвэрхэн хувцасласан, костюмнаас салдаггүй, уул уурхай, тухайн салбарын форум энэ тэрийг зохиосон залуу гүйж байдагсан. Түүгээрээ дамжаад "Эрдэнэс Таван Толгойн" захирал болох, Оюу толгойн ТУЗ-д орох хүсэлтээ намын даргадаа удаа дараа тавьсан, түүнийг намын дарга З.Энхболд зөвшөөрөөгүй гэж тус намын ерөнхий нарийн бичгийн дарга Л.Эрхэмбаяр хэллээ.
Тэр бас Дарханы Ардчилсан Намын даргын ажлаа өгсөн. Ингээд л улс төрийн карьерт нь саад болсон, бизнесийн карьерийг нь дэмжээгүйн төлөө оймсоо шидсэн гэж Л.Эрхэмбаяр тайлбарлаж байна. Тэр бас түүнийг шантаажчин гэв. Албан тушаалын ийм шантаачдад царай өгөхгүй гэж нэмж хэлсэн байна. Түүний үгийг задалбал, албан тушаалын шантаажтангууд АН-д олон байдаг байх нь ээ.
Э. ЦЭНД
