-Гурван өдөр унтуулсангүй. Өглөө 5 цаг хүртэл хөгжимдөж, дуулж, чанга тавигч тавьж, шуугилдах юм. Залуучууд нь тэсдэг юм байгаа биз. Өндөр настай бидэн шиг хүмүүс, нялх нойтон хүүхэдтэй эхчүүдэд хүнд тусаж байна. -Залуучуудын эрх гээд олон жил тэсэж ирсээн. Арай дэндлээ. "Плай тайм"-ын үеэр унтаж, амарч чаддаггүй байсан бол, сүүлдээ гэр орондоо ч харьж чадахаа болих нь . Хэтэрлээ энэ бүгд. Үр хүүхэддээ очих гэж "Плай тайм" -ын гурван өдөр замдаа түгжирч, 20 минут явдаг газарт өдөр бүр 4 цаг зарцууллаа. Амьдралын хэмнэл алдагдуулсан. -Би өөрийн гэх унаагүй. Нийтийн унаагаар зорчдог.
.jpg)
Гэтэл Амгалан өртөөнөөс эхлээд л түгжирч байна. Нийтийн унаагаар хөгшчүүл, хүүхдүүд голдуу зорчдог. Хэн хэндээ суудал тавьж өгөх билээ. Замын түгжрэлд 3-4 цаг саатлаа. Халуун, түгжрэлээс болж харвачих нь холгүй л явцгаалаа. Ирэх жил энэ наадмыг дахин хийнэ гэвэл "Гацуурт" тосгоныхноо уриалаад эсэргүүцнэ. -Энэ бол хөгжмийн наадам биш. Ердөө л архидалт. Залуучуудыг 5000 төгрөгийн үнэтэй пиво, архиар 3 өдөр угжиж байна. Бас такс нь 60,000 төг гэнэ. Ямар ч хяналт алга. Энд тэндгүй унасан, согтсон залуу охид, хөвгүүд, бөөн хог лааз, дээр нь бөөлжис, ялгадас. "Гацуурт- Улаанбаатар" -ын чиглэлийн автобусанд зорчиж байсан "Гацуурт" тосгоны иргэд ийнхүү хэлэлцэж байна. Тэд нэгдэж, эсэргүүцэхээр боллоо.
.jpg)
.jpg)
Э.БАТ
