ТЭЭВРИЙН ЦАГДААГИЙН АЛБАНЫХАН 6 НАСТАЙ ОХИНЫ АМИЙГ АВАРЧЭЭ

2020-02-12  

Тээврийн цагдаагийн албаныхан өчигдөр зургаан настай хүнд өвчтэй хүүхдийн амийг аварсан баярт мэдээг хүлээн авлаа. ХӨСҮТ-ийн Эмнэлгийн тусламж үйлчилгээ эрхэлсэн тасгийн хамт олон болон эмнэлгийн удирдлагуудаас Тээврийн цагдаагийн албаны хамт олонд зургаан настай бяцхан охины амийг аврах үйлсэд үнэтэй хувь нэмэр оруулсанд талархал илэрхийлсэн юм. Тодруулбал  “Сонгинохайрхан дүүгийн захын гэр хорооллоос  ХӨСҮТ хүртэл явахад нэг талдаа цаг гаруй хугацааг зарцуулдаг. Тус дүүргээс  амь нас нь дээсэн дөрөөн дээр байсан зургаан настай охиныг  яаралтай эмнэлэгт хүргэх шаардлагатай болсон байна. Энэ үеэр  Тээврийн цагдаагийн албаны хамт олон бүрэн бүрэлдэхүүнээрээ ажиллаж охиныг 13 минутын дотор ХӨСҮТ-ийн Сэхээн амьдруулах тасагт авчирснаар охины амь насыг аварч чаджээ. Хэрэв энэ хугацаа таван минутаар хоцорсон бол өнөөдөр хорвоо дээр нэгэн бяцхан зүрх дахин цохилохгүй болох байжээ.

Тээврийн цагдаагийн албаныхан эмнэлэг хүрэх замын бүх гэрлийг ногоон болгож,  хурдан зорчих боломжоор хангаж өгсний үндсэнд  охин өнөөдөр аав ээжийнхээ хажууд байна. Бяцхан охиныг аав ээжтэйгээ  үлдэхэд онцгой үүрэг гүйцэтгэсэн Д.Амарсайхан даргатай Тээврийн цагдаагийн албаны хамт олонд охины ар гэрийнхэн мөн талархал илэрхийлсэн юм.  Хүний амь насыг аврахад нэг ч хором багадахгүй гэдгийг дээрх удаагийн жишээ харуулж байна.  Тиймээс жолооч та бүхэн түргэний машинд заавал зам тавьж өгч байгаарай.

 

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
ганхуяг :Хүнлэг сайхан сэтгэл гаргаж охины амь насыг аварч нэгэн гэр бүлийг элэг бүтэн авч үлдсэн тээврийн цагдаагийн хамт олонд талархал илэрхийлье 2020-02-12
Төстэй мэдээ
Шинэ мэдээ
Санал асуулга
Цагаан сараар цахимаар золгохыг та дэмжиж байна уу?