Жил бүрийн тавдугаар сарын 3-ныг дэлхий нийтээр хэвлэн нийтлэх, үзэл бодлоо чөлөөтэй илэрхийлэх эрх чөлөөг хүндэтгэн тунхаглах өдөр болгон тэмдэглэдэг. Сэтгүүлчид хэвлэлийн эрх чөлөөний өдрийг баяр болгон тэмдэглэхээсээ илүү хэвлэн нийтлэх эрх чөлөөнийхөө төлөө дуу хоолойгоо нэгтгэдэг уламжлалтай.
“Хил хязгааргүй сурвалжлагчид” төрийн бус байгууллагаас жил бүр Хэвлэлийн эрх чөлөөний индексийг гаргадаг бөгөөд уг индекс дэлхий нийтээр өндөр ач холбогдол өгч оролцдог юм. 2016 оны хувьд Монгол Улс хэвлэлийн эрх чөлөөгөөр дэлхийн 180 орноос 60 дугаар байрт жагсжээ. Энэ нь өнгөрсөн оныхоос зургаан байр ухарсан үзүүлэлт юм. Хууль эрх зүйн төгс бус орчин, цензур, хэвлэлийн эрх чөлөөг боогдуулсан хуулийн зүйл заалтууд нэмэгдсэнээр олон вэб сайт блоклуулсан нь үзүүлэлтийг хойш татах шалтгаан болсон байна.
А.САЯН
