Өнгөрсөн долдугаар сард Архангайн цагаан даваан дээр гарсан ослын үеэр нэгэн гэр бүлийн долоон хүн галд өртөж, дөрвөн хүн хорвоог орхисон билээ.
Ослоос амьд гарсан ээж нь 13 настай охиноо аваад БНСУ-руу яаралтай хагалгаанд оруулахаар явсан байна. Харамсалтай нь охин өнөө өглөө шархаа даалгүй нас баржээ.
Уг ослын улмаас таван настай бяцхан охин, арван настай хүү, аав, хадам ээж нь өнгөрч, 13 настай охиноо аваад гэрийн эзэгтэй БНСУ-ыг зорьж байна. Гэвч харамсалтай нь 13 настай охины амийг аварч чадалгүй явууллаа.
Одоо О.Цэнгэл гэх эмэгтэй таван сартай хүүтэйгээ үлджээ. Аймшигт хагацал үзсэн эхийн сэтгэл санаа таагүй байгаа талаар ар гэхиинхэн нь мэдээлэл өгч хандивын аян үргэлжилж байгаа аж.
