ХААН Банк Монголын дүрслэх урлаг, уран бүтээлчдийг дэмжих зорилгоор 2007 оноос дэргэдээ уран зургийн галерей нээн зураач, урчуудыг дэмжин үзэсгэлэнгээ үнэ төлбөргүй олон нийтийн хүртээл болгох боломжийг бүрдүүлсээр ирсэн билээ.
Монголын уран бүтээлчдэд зориулсан бодит хөрөнгө оруулалтаа цаашид ч бид тууштай үргэлжлүүлж, 2021 онд ХААН галерейд үзэсгэлэнгээ гаргах хүсэлтэй бүтээлчдийн үзэсгэлэнгийн төслийг 2020 оны 10-р сарын 19-ний өдрөөс 10-р сарын 31-ний өдрийг дуустал хүлээн авч байна. Иймд уран бүтээлчид та бүхэн заасан хугацаанд үзэсгэлэн гаргах хүсэлтээ gallery@khanbank.com хаягаар ирүүлнэ үү.