"THE BANKER" СЭТГҮҮЛ ХААН БАНКИЙГ МОНГОЛЫН ШИЛДЭГ БАНКААР НЭРЛЭЛЭЭ

2021-02-22  

Их Британийн Лондонд төвтэй, дэлхийн банк санхүүгийн салбарын хөгжлийн түвшин, хандлагыг тодорхойлогч “The Banker” сэтгүүл 2020 оны “Монгол Улсын шилдэг банк”-аар ХААН Банкийг нэрлэлээ.

Дэлхий нийтээр цар тахалтай тэмцэж буй энэ хүнд үед ХААН Банк зайнаас банкны бүх төрлийн үйлчилгээг амар хялбар, хурдан шуурхай авах боломжийг бүрдүүлэн харилцагчид болон ажилтнуудынхаа аюулгүй байдлыг ханган ажиллаж байгаа билээ. Энэ нь  цахим шилжилтэд бэлтгэн сүүлийн жилүүдэд авч хэрэгжүүлсэн томоохон ажлын үр дүн бөгөөд өнөөдрийн байдлаар ХААН Банкаар дамжиж буй нийт гүйлгээний 97 хувь нь цахимаар хийгдэж байна. Тэгвэл цахим банкны үйлчилгээ, санхүүгийн хүчирхэг үзүүлэлтүүд, найдвартай тогтвортой үйл ажиллагааг үнэлэн “The Banker” сэтгүүл шилдгээр тодруулснаа онцолж байна.

100 шахам жилийн түүхтэй “The Banker” сэтгүүл нь дэлхийн эдийн засаг, банк санхүүгийн салбарын мэдээ мэдээллийг хүргэхийн зэрэгцээ энэ чиглэлээр судалгаа шинжилгээ хийж, мэргэшсэн туршлагатай, шинжээч экпертүүдийнхээ тусламжтай дэлхийн улс орнуудын шилдэг банкуудыг шалгаруулдаг юм. ХААН Банк “Монгол Улсын шилдэг банк”-аар нийтдээ найм дахь удаагаа шалгарч байна.

Олон улсын банк санхүүгийн салбарын хамгийн нэр хүндтэй шагналыг хүртсэн нь ХААН Банкны нийт хамт олон болон бидэнд итгэл хүлээлгэн хамтран ажилладаг нийт харилцагчдын хамтын хичээл зүтгэл, харилцан итгэлцлийн үр дүн билээ. Амжилт бүрийг хамтдаа бүтээж ирсэн эрхэм харилцагчид, түншүүд та бүхэндээ баярлалаа.

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Төстэй мэдээ
Шинэ мэдээ
Санал асуулга
ХӨЛ ХОРИОГ ДАХИН 5 ХОНОГ СУНГАХ НЬ ЗӨВ ҮҮ?