Ийм утга бүхий ярилцлагыг Монголын хамгийн нөлөө бүхий өдөр тутмын "Өдрийн сонин"-д иргэн Ган-Очир саяхны өдөр өглөө. Түүний хэлж буйгаар 2020 оны УИХ-ын сонгуулийн үеэр санал тооллогын хар машинд нөлөөлсөн байна.
"Гуравдагч серверт сонгуулийн үеэр 30 минут гаднаас нөлөөлсөн гэдэг нотолгоог Канадын компаниас надад ирүүлсэн гэж тэр нэмж хэллээ. Улмаар Олон улсын IT компанийн шалгалт оруулах хүсэлт тавьсан. Хөндлөнгийн бие даасан, мэргэжлийн компанийн оролцоотойгоор дүн шинжилгээ хийлгэж дүгнэлт гаргуулна. Буруутай бол би шоронд ороход бэлэн. Харин эрх баригч намынхан буруутай бол.. гэж хэллээ.
Хар машинаар иргэдийн саналыг луйвардсан нь тогтоогдвол эрх баригч нам унах болно. Унах ч биш гэмт хэрэгтэний суудалд шилжинэ. Тэгэхээр олон жил маргаан дагуулсан энэ хар машиныг сайтар шалгах, худал үнэнийг нь хар цагаанаар нь ялгах, иргэдийн санал эзэндээ очсон эсэхийг магадлах цорын ганц боломж нээгдлээ.
Ц.ЭНХБАТ
