Өмнө нь, 2008, 2012 онд, УИХ-ын гишүүн бүр тойрогтоо нэг тэрбум төгрөгийн төсөв суулгуулдаг давуу эрх эдэлдэг байсан. Үүнийг нь 76 сангийн сайдтай боллоо, эдийн засгийг 76 хувааж жижигрүүллээ, хөгжлийн төсвөөс ухарлаа, сонгуульд давуу эрх эдэллээ гэж шүүмжилсээр зогсоосон. Гэвч "баас хатавч, үмхийгээ тавьдаггүй"-н үлгэр үргэлжилсээр аж. Гишүүд тойргийнхоо төсвийг хяналтандаа байлгах арга замаас гишүүд холдсонгүй.
Тухайлахад, ирэх оны улсын төсөвт гэхэд л тойргоос сонгогдсон гишүүдээс нийтдээ 10 их наяд төгрөгийн хүсэлт ирсэн тухай Сангийн Яам мэдээлээ. Дээр нь, орон нутгийн хөрөнгө оруулалтыг эрэмблэх эрх дархыг тухайн тойргоос сонгогдсон гишүүд эдэлж буй юм байна. Энэ бол 2024 оны УИХ-ын сонгуульд өнөөгийн гишүүд давуу эрхээ эдэлнэ гэсэн үг. Үүнийг нь улс төрийн бусад нам хүчин хамтарч, шахаж өөрчилж үл чадваас 2024 оны УИХ-ын сонгуульд МАН дахин олонхи болох нь суурь нь тавигджээ.
Ц.ЭНХБАТ