ИЛОН МАСК ТВИТТЕРИЙН САНАЛ АСУУЛГААР ХУВЬЦААГАА ЗАРЛАА

2021-11-08  

Дэлхийн хамгийн чинээлэг эрхэм Илон Маск Тесла компанийн хувьцааныхаа 10 хувийг зарах эсэхээ Твиттерийн санал асуулгаар шийджээ. 

62 сая гаруй дагагчтай Илон Маск санал асуулгын үр дүнд тулгуурлан шийдвэр гаргахаа амласан байна. 

Нийт 3,519,252 хэрэглэгч саналаа өгснөөс 57,9 хувь нь хувьцаагаа худалдахыг зөвшөөрсөн бол 42,1 хувь нь татгалзсан хариулт өгчээ. Ингэснээр Маск Теслагийн хувьцаагаа 21 тэрбум доллараар худалдахаар болсон байна. 

Сенатын гишүүн Рон Уайдены зөвхөн тэрбумтнуудад чиглэсэн татварын бодлого явуулах тухай санал дэвшүүлсний дараа Илон Маск дээрх шийдвэрийг гаргажээ. Ардчилсан намын гишүүн Рон Уайден чинээлэг хүмүүс хувьцааныхаа тодорхой хэсгийг зарсан эсэхээс үл хамааран хувьцааны үнэ өссөн үед бодит бус ашгийн 23,8 хувийг төлөх ёстой гэсэн байр суурьтай байгаа аж.

Маск энэ хуулийн төслийг эсэргүүцэж байгаа аж.  Тэрээр өөрийгөө цалин урамшуулал авдаггүй, зөвхөн хувьцаа эзэмшдэг гэж Твиттерт бичжээ. Илон Маск "Миний хувьд татвар төлөх ганц арга зам бол хувьцаагаа зарах" гэсэн байна.

Эх сурвалж: ВВС

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ЦАГААН САР ХИЙХ НЬ ЗӨВ ҮҮ?