Монгол улсын дөрөвдэх ерөнхийлөгч Ц.Элбэгдорж олон улсын эмэгтэйчүүдийн баяр 3-р сарын 8-нд төрсөн өдрөө тэмдэглэдэг. Энэ өдөр төрсөн болоод ч тэр үү, Ц.Элбэгдорж ерөнхийлөгч Монголын алдарт эхийн одонтой 1000 ээжтэй жил бүр Төрийн ордонд уулзалт хийдэг.
Харин Монгол улсын гурав дахь ерөнхийлөгч Н.Энхбаяр эх үрсийн баярын өдөр болох 6-р сарын 1-нд мэндэлсэн. Анх хүүхдийн баяр гэж нэрлэгддэг байсан тул, Н.Энхбаяр ерөнхийлөгч Монголынхоо хүүхдүүдийн төлөөлөлтэй уулзаж, төрсөн өдрөө тэмдэглэж зуршсан. Харин энэ жилийн хувьд аав, ээжийндээ очиж, Бүдханд гуайн хийсэн гарын талхыг нь амталж, өөрөө плов хийж гэр бүлийнхнээ дайлсан байна.
Ц.БАТТУЯА
